AGUR SEIGARREN MAILA!!

BUKATU DA SEIGARREN MAILA!!!! Irailean etapa berriari ekingo diogu, AUPA DBH!!

TXIKIEI AURKEZPENA

Lehen Hezkuntzan sei urtez jardun ondoren gai honetan adituak garela aprobetxatuz 5 urteko haurrei lehenego mailan zer aurkituko duten diapositiba hauen bidez azaldu genien (beno, aurkezpena politagoa zen, drivera pasatzerakoan piskat lardaskatu zaigu eta!), Gure kantu eta koregrafiekin zeharo animatuta bidali genituen!!

ZUHATZA

Ekainaren 8tik 10era egun ederrak pasatu genituen Zuhatzan. Etxerantz gentozela Leintzen gelditu eta garai bateko gatzaga bisitatu genuen.

LENBUR

Industria iraultzari buruz gehiago jakiteko asmotan Legazpira joan ginen. Han, Lenburren eskutik, ekualdeko industrien sorrera eta bilakaera ikasteaz gain, gure aiton-amonen ume garaian murgildu ginen. Bisita interesgarria benetan!

ESKULAN ERAKUSKETA

Aurten Euskaraz Bizi jaialdiaren inguruan egindako hainbat eskulan eraman ditugu urtero antolatzen dugun erakusketara. Zoragarria geratu zaigu!

INDUSTRIA IRAULTZA - lan sektoreen bilakaera

XIX. eta XX. mendeetan zehar lan sektoreek izan duten  bilakaera hobeto ikusi ahal izateko informatika saioetan grafiko hauek prestatu ditugu:

EUSKARAZ BIZI JAIALDIA

Hiru astetako entsegu eta prestaketek maiatzaren 7an jaialdi bikaina ahalbideratu zuten. Dantzaz gain zailtasunei eta erronkei aurre egiten ikasi dugu elkarrekin lana eginez. Bolada polita izan da eta bukatu bada ere denok oroitzapenean gordeko dugu. Baita gure gurasoek ere, a zer sorpresa hartu zuten!

JUUL KANPAINA

Gainean dugu gustuko liburuari botoa emateko eguna. Pentsatu al duzue zeinek jasoko duen botoa?

KORRIKA 2015

Goizeko lau eta erditan lo geunden, eguraldi txarrak bertan behera utzi du korrika txikia! zer egingo dugu ba...   kanta dezagun ozen aurtengo abestia eta ez ahaztu:  EGUNERO DA EUSKARAREN EGUNA!!!

EUREKA MUSEOA: Bisita-librea

Lehengo ostegunean Eureka museoa bisitatu genuen.

Bertan ondo pasatu, asko ikasi, esperimentu pare bat egin... eta jolastu egin genuen.
Gainera,  BISITA-LIBREA egingenuen. Museo osotikan buelta bat emanez hainbat atal ikusi genituen. Gora eta behera ibili ginen gure libretan apuntatuz,eta oso ONDO pasa genuen!!!

IKUSI IKUSI!! begiratu ze gauza politak ikusi genituen!!!!

EUREKA MUSEOA: PRESIO ATMOSFERIKOA

Kimika tailerretik irtendakoan, presio atmosferikoari buruz hitz egin ziguten. Gai honi buruz hainbat esperimentu aurkeztu zizkigun Leirek, presio atmosferikoa zer den hobeto ulertzeko. 

Erakutsi zigun gure birikak bi litro aire hartzeko tokia dutela. Helduenak, berriz, hiru litro aire hartzeko tokia, baina gizakiok arnasterakoan aldiko litro bat bakarrik har dezakegu. Poltsa bat ahora eramaten badugu, litro bat aire puztu dezakegu, baina poltsa ahotik urruntzen badugu eta puzten badugu, inguruko airea ere bertan sartuko da, beraz, poltsa gehiago puztuko da. Hori izan zen hauetako esperimentu bat.

Beste hainbat esperimentu ere egin genituen, eta asko ikasi genuen.Oso bisita polita eta interesgarria izan zen ostegunekoa, ea beste batean berriro ere joaten garen!

Argazkian Malenek eskuan daukan burdinezko habearen pisua gainean dugun airearena adinekoa da. Gezurra dirudi, a zer pisu daramagun buru gaineannnn!

EUREKA MUSEOA:KIMIKA TAILERRA

Martxoaren 12 an, osteguna, Eureka museora joan ginen. Bertan kimika tailerra egin genuen. Inguruan dugun guztia kimika dela esan ziguten, hau da, produktu kimikoz inguratuta gaudela. pH eskala zer den eta nola funtzionatzen duen ikasi genuen: 1etik 14ra ; pH baxuak (1,2,3 eta 4 ) azidoak; erdialdeko pHak ( 5,6,7,8 eta 9 ) neutroak; pHaltuak (10,11,12,13 eta 14 ) basikoak. 

Ondoren, dentsitatearen formula ikasi genuen: d = m / v. Likido batera berak baino dentsitate gutxiago duen zerbait botaz gero, likido horren gainean geratzen da eta gehiago baldin badu, berriz, behera joaten da. 

EUREKA MUSEOA

2015eko martxoaren 12an Eureka museora joan ginen. Bertan bi tailer egin genituen, Kimika tailerra eta Presio Atmosferikoa tailerra. Tailerrka bukatu ostean bazkaltzera joan ginen parkera. Bazkaltzen bukatutakoan acrosporteko emanaldia entsaiatzen aritu ginen. Arratsaldean bisita librea egin genuen museora eta hirurak eta laurden aldera ikastolara itzultzeko autobusa hartu genuen. Asko ikasi eta ondo pasatu genuen!!

8.Esperimentua:Harri baten bolumenaren neurketa.

Helburua:
Solido baten bolumenaren neurketa cm³  -tan.

Prozedura:

1- Ura probetara bota

2- Harria sartu

3- Ikusi zenbat ml igo den ura.

Datuak:

Harria bota aurretik 200 cm³  zeuden probetan, harria bota ondoren 225 cm³  zeuden. Hortaz, harriak, 25 cm³  -ko bolumena du.

Ondorioa(k):
Solido baten bolumena neurtzeko, lehendabizi probetan ur kantitate jakin bat bota behar da, ondoren soliodoa likidora bota behar da, eta ur mailak gora egiten dituen ml-ak solidoaren bolumenak dira.

.

7.ESPERIMENTUA

HELBURUA:

Likido baten bolumenaren neurketa (cm³ tan)

PROZEDURA:

* Lehenengo probeta batean bolumena neurtu nahi duzun likidoa bota.
* Azkenik, ml-ak cm³ -tara pasatu.

DATUAK:

* 150 ml sartu ditugu.
* Beraz 150 cm³  ditugu.

ONDORIOA:

Likido baten bolumena neurtzeko likido kantitatea probetan sartu behar da eta noraino iristen den begiratu. Probetak adierazten duen neurria  ml-ak edo  cm³-ak dira.

5.ESPERIMENTUA

HELBURUA:

Esperimentu honen helburua, flaskoaren barruko likidoaren masa neurtzea zen.

PROZEDURA:

• Lehenengo, flasko hutsa pisatu 

• Ondoren, flaskora ura bota eta berriro pisatu.

• Azkenik, flasko hutsaren pisua, flasko betearen pisuari kendu.

DATUAK:

• Flaskoa hutsik: 89,8 g

• Flasko beteta: 215,5 g

• Likidoaren masa: 125,7 g

ONDORIOA: 

Likidoaren masa neurtzeko prozedura hau jarraitu behar da: lehedabizi flasko hutsa pisatu,  gero flaskora likidoa bota eta pisatu; azkenik flasko hutsaren pisua flasko betearen pisuari kendu.

4.ESPERIMENTUA

                                              HARRI BATEN MASAREN NEURKETA

HELBURUA

Esperimentu honen helburua harri baten masa nola neurtzen den argitzea zen.

PROZEDURA

Esperimentua egiteko harria balantza elektronikoan kolokatu behar da eta datuak idatzi

DATUAK

Harriaren masa 204,3 g-koa zen.

ONDORIOA

Edozein solidoaren masa aurkitzeko nahikoa da balantzaren gainean jartzea eta honek markatzen duena apuntatzea.

Esperimentuak: 1, 2 eta 3

3.AIREAK BA AL DU MASARIK?

HELBURUA:

Esperimentu honen bidez, airea materia ote den edo ez jakin nahi genuen.


PROZEDURA:

Lehenengo, globo hutsa pisatu genuen.

Ondoren, globoa puztu eta pisatu egin genuen.

DATUAK:

Hutsik zegoen globoak 3g pisatzen zuen.

Airez betetakoan, berriz, 3,1g pisatzen zuen.

Beraz, globo barruko airearen masa 0,1 gramokoa zen.

ONDORIOA:

Aireak masa duela frogatu dugu, beraz airea materia da.

2. Esperimentua: Airea dagoen espazioan beste materiarik sar al daiteke?

HELBURUA:

Aireak lekua okupatzen duen edo ez jakitea.

PROZEDURA:
1- Xiringa airez bete.
2- Kristalizadorea urez bete.
3- Saiodia urez bete.
4- Saiodia kristalizadorean bertikalki sartu.
5- Xiringa eta saiodia hodi batez lotu.
6- Xiringako airea saiodira pasa.

ZER GERTATU DA:
Airea xiringatik saiodira pasa eta saiodiko ura kanpora atera da.

ONDORIOA:
Aireak  lekua okupatzen du, beraz materia daa.

1.ESPERIMENTUA: AIREAK BA AL DU BOLUMENIK?

HELBURUA: 

Aireak bolumena duen edo ez jakitea.

PROZESUA:

• Lehenengo, xiringa airez bete.

• Gero, xiringaren zuloa tapatu eta enboloari bultzatu.

DATUAK:

Enboloari bultza egiten genion heinean airea konpimatuz joan zen, baina puntu batetik aurrera indarra egin arren ezin zen gehiago konprimatu. Hori zen aireak behar zuen tokia.

ONDORIOA:

Atera dugun ondorioa hau da:  aireak tokia okupatzen du, hau da bolumena du.

ATZEGI

Gaur Patrizia, Atzegiko langilea, etorri zaigu gelara eta  urritasunei buruz jardun dugu.

Honako hau ikasi dugu:

* Denok desberdinak garela, baina behar berdinak ditugula:
       -Maitatuak sentitzea, lagunak izatea, lagunekin ondo pasatzea, baloratuak izatea...
       -GAREN BEZALA ONARTUAK IZATEA.
       -Laguntza... BEHAR DUGUNEAN, ZAILTASUNEN AURREAN.
       -Gure gaitasunetan sinestea. ETA GAI GAREN NEURRIAN, EGITEN UZTEA.

* Ez dagoela inor dena ondo egiten duenik, ezta dena gaizki egiten duenik ere.

* Gure jarrera guztiz garrantzitsua dela urritasunaren aurrean.

Horregatik, guk ere Atzegiko aurtengo kanpainarekin bat egingo dugu: ELKARRION. 

HURRENGO BAT ARTE, ENERITZ!

Lau hilabetez gurekin egon ondoren, Eneritzek praktika aldia bukatu du eta Magisteritza eskolara itzuli da. Oso gustura egon gara berarekin, horregatik pena handiz agurtu genuen ostiral arratsaldean pastel eta oparien artean. Malenek eta maddik asmatutako bertsoa ere kantatu genion, polita eta hunkigarria benetan. Entzun, entzun... 

AUDIOA

Mila esker, Eneritz eta ez ahaztu gure gonbidapena... nahi duzun arte!!

INAUTERIAK

A zein dotore etorri ginen denok inauteri egunean! Ikusi, ikusi argazkia...

Ez zen gutxigorako, izan ere aurten Ederrena pilota lekuan bildu ginen eta inoiz baino guraso gehiagoren aurrean egin genuen dantza. Hemen duzue bideoa:

KIROL KIDETZEA - BIDEOA

KIROL KIDETZEA 5. GUNEA

5. gunean saskibaloiean jolastu genuen. Lehenengo gure buruak aurkeztu eta saio teorikoa eskeini genien. Bertan jokoan galtzen eta irabazten jakin behar dela eta saskibailoko arauak  adierazi genien.
Bi partida jokatu genituen, zuriak beltzen aurka eta berdeak urdinen aurka. Bakoitzean bi epaile zeuden eta beraiek aukeratzen zuten noiz atera txartela, gorria eta horia.
Bukaeran elkarri eskua eman genion!

KIROL KIDETZEA

Atzo arratsadean ikastolako 4. eta 6.mailako ikasle guztiak kirol kidetze jardun bat burutu genuen. Bertan, 6.mailakoak sei gunetan banatuta geuden, eta horietako bakoizean joku edo kirol desberdinetan ibili ginen jolasean, futbolean, saskibaloiean, korroko dantzetan, etb. 

Bukaeran 4.mailako ikasleei urrezko domina bana eman genien. Begira, begira  argazkian hortzaka eginez   urrezkoak direla nola frogatzen dute!!

Ederki pasatu genuen. Ea horrelako beste jardunaldi batzuk egiteko aukera dugun. ESKERRIK ASKO DENOI!!!!!

KIROLKIDETZEA 6.Gunea

Asteartean, 4.mailakoak eta 6.mailakoak kirol kidetze jardunaldi bat egin genuen. Sei gune desberdinetan banatu ginen, guri seigarren gunea tokatu zitzaigun.
Hasteko 4. mailakoei harrera egin genien, ondoren kirolari onen jarrerak azaldu genizkien. Esplikazioa entzun ondoren maritxipi jolasean jolastu genuen, eta bukatutakoan pin-pon pilota jolasean. Hain ondo pasatu ondoren, gehien gustatu zitzaien jolasean aritu ginen, joku sensorialean.

ZORIONAK DENEI, EA BERRIRO ELKARTZEN GAREN !!!!!

MINGAINLUZE LEHIAKETA

Berrogeita bost taldek hartu dugu parte lehiaketa berezi honetan. Oso lehiaketa ederra izan da eta partaide guztiek oso ondo egin dugu, baina aurrekanporaken bakarrik hogeita lau talde sailkatu ziren. Jadanik badugu talde irabazlea Eurre izenekoa Igonek, Izarok eta Marenek osatua. 
Espero dugu hurrengo urtekoa urte honetakoa bezain polita izango dela. Baina, guk seigarren mailakoek ezingo dugu parte hartu.

ZORIONAK PARTAIDE GUZTIEI!!

IRITSI DA ELURRA

Elurra iritsi da Urretxu-Zumarragara. Herri guztia zuri-zuri dago, a ze poza!
Asko jolastuko gara.

ODOL EMAILEAK

Lantzen ari garen gaiaz  gehiago jakiteko odol emaileen elkarteko bi erizain izan ditugu gelan. Odolari eta zirkulazio aparatuari buruz genekien hainbat eduki errepasatzeaz gain, odol ematearen garrantziaz jabetu gara.
Guztiok 18 urte betetzen ditugunean odola ematen saiatuko garela agindu diegu!

Mila esker bisitagatik eta opariagatik!

ZIRKULAZIO APARATUA

Zirkulazio aparatuari buruz ikasten ari garena hobeto jasotzen lagunduko dizue HEMEN klikatuz aurkituko duzun animazioak eta GALDERA hauek. Beheko bideoa ere lagungarri izango duzu.

BIHOTZA

Julenek ekarritako txerri bihotzari esker, organo honen ezker eta eskuin aldea, aurikulak eta bentrikuluak, balbulak, arteria eta zainak... bertatik bertara aztertzeko aukera izan dugu.

Gainera Anderrek ekarritako estetoskopioari esker gure bihotzen taupadak entzun ditugu.

Mila esker, bikote!

3. unitatea: GIZA GORPUTZA

Hau zortea izan duguna, 3. unitateari hasiera eman orduko Jokin arkuma-erraiekin azaldu zaigu! Beno, gu ez gara arkumak, baina ziur asko gure barruko aparato eta sistemak ez dira oso desberdinak izango. Behatu, ukitu (edo ez, batzuei nazka ematen zien eta) eta komentatu ondoren,  hainbat galdera bururatu zaizkigu. Erantzun horien bila arituko gara  unitate honetan! Mila esker, Jokin!